"Tibbiyot xodimlari kuni" tantanali nishonlandi
••••••••••
Oltinko'l tumanidagi "Oltin saroy" tantanalar saroyida bo‘lib o‘tgan tadbirga tibbiyot sohasida faoliyat yuritayotgan soha vakillari taklif etildi. Dastlab tadbir ishtirokchilariga viloyat hokimining tibbiyot xodimlariga yo‘llagan tabrigi eshittirildi.
Shundan so‘ng tuman hokimi o‘rinbosari O.Ho'jamov barcha tibbiyot xodimlarini kasb bayramlari bilan muborakbod etib, ularga sihat-salomatlik, sharafli mehnatlarida omad va zafarlar yor bo'lishini tiladi.
So‘ngra tadbir ishtirokchilari bayram dasturxoni atrofida jam bo‘lishib, "Farovon" ansambili hamda estrada yulduzi Ruxsora Otajonovalar tomonidan ijro etilgan diltortar kuy-qo‘shiq va raqslardan bahramand bo‘ldilar.
Tadbir davomida sohaning bir qator vakillariga tashakkurnomalar va sovg‘alar topshirildi.
